ಡೈಲಿ ವಾರ್ತೆ: 02/JAN/2024
ಬ್ರಹ್ಮಾವರ: ಒಂಟಿ ಮಹಿಳೆ ಮನೆಗೆ ಕಿಡಿಗೇಡಿಗಳಿಂದ ಹಾನಿ – ದೂರು ದಾಖಲು
ಬ್ರಹ್ಮಾವರ: ರಾತ್ರಿ ವೇಳೆ ಯಾರೋ ಕಿಡಿಗೇಡಿಗಳು ಒಂಟಿ ಮಹಿಳೆಯ ಮನೆ ಮಾಡಿಗೆ ಇಟ್ಟಿಗೆ ಎಸೆದು ಹಾನಿ ಮಾಡಿದ ಬಗ್ಗೆ ಬ್ರಹ್ಮಾವರ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಹಾರಾಡಿ ಗ್ರಾಮದ ಬೈಕಾಡಿ ಗಾಂಧಿನಗರ ಮೂರು ಸೆಂಟ್ಸ್ ಎಂಬಲ್ಲಿನ ನಿವಾಸಿ ಇ. ಎಂ. ಲೀಲಾ ಎಂಬಾಕೆ ಜ. 1ರ ರಾತ್ರಿ ಮನೆಯಲ್ಲಿ ಮಲಗಿರುವಾಗ ಬೆಳಗಿನ ಜಾವ ಸುಮಾರು ಒಂದು ಗಂಟೆಯ ವೇಳೆಗೆ ಯಾರೋ ಕಿಡಿಗೇಡಿಗಳು ಮನೆಯ ಮಾಡಿಗೆ ಇಟ್ಟಿಗೆ ತುಂಡು ಎಸೆದು ಹಂಚು ಒಡೆದಿದ್ದಾರೆ ಎನ್ನಲಾಗಿದೆ. ಇದರಿಂದಾಗಿ ಮಾಡಿನ ಎರಡು ಹಂಚುಗಳು ಒಡೆದಿದ್ದು, ನೂರಾಐವತ್ತು ರೂ. ನಷ್ಟವಾಗಿರುತ್ತದೆ ಎಂದು ದೂರಿನಲ್ಲಿ ವಿವರಿಸಲಾಗಿದೆ. ಮನೆಯಲ್ಲಿ ಆ ವೇಳೆ ಬೇರೆ ಯಾರಿದ್ದರು, ಗಾಯಗಳಾಗಿವೆಯೇ ಎಂಬ ಬಗ್ಗೆ ಮಾಹಿತಿ ಬಂದಿಲ್ಲ. ಇಟ್ಟಿಗೆ ಎಸೆದ ಕಿಡಿಗೇಡಿಗಳನ್ನು ಪತ್ತೆ ಮಾಡಿ ಸೂಕ್ತ ಕಾನೂನು ಕ್ರಮ ಜರುಗಿಸಬೇಕು ಎಂದು ದೂರುದಾರ್ತಿ ಲೀಲಾ ವಿನಂತಿಸಿದ್ದಾರೆ.
ಬ್ರಹ್ಮಾವರ ಠಾಣಾಧಿಕಾರಿ ಮಧು ಬಿ.ಇ. ಅವರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.