ಡೈಲಿ ವಾರ್ತೆ: 03/JAN/2024
ಕೋಟ : ಬಾಳೆಬೆಟ್ಟು ಸ್ಪರ್ಶ ಟೀಮ್ ವತಿಯಿಂದ ಕ್ರೀಡಾ ಕೂಟ
ಕೋಟ: ಮಣೂರು ಬಾಳೆಬೆಟ್ಟು ಸ್ಪರ್ಶ ಟೀಮ್ ವತಿಯಿಂದ ಜನವರಿ 14 ರಂದು ನಡೆಯುವ ಸ್ಪರ್ಶ ಕಾರ್ಯಕ್ರಮದ ಪ್ರಯುಕ್ತ ಡಿ. 31 ರಂದು ಕ್ರೀಡಾ ಕೂಟ ನಡೆಯಿತು
ಇದರ ಉದ್ಘಾಟನೆಯನ್ನು ದುಬೈ ಉದ್ಯೋಗಿ ಪ್ರತಾಪ್ ಶೆಟ್ಟಿ ಕೂಡಾಲ್ ಉದ್ಘಾಟಿಸಿ ಅವರು ಮಾತನಾಡಿ ಜನವರಿ 14 ಕ್ಕೆ ನಡೆಯುವ ಅದ್ದೂರಿಯ ಸ್ಪರ್ಶ ಕಾರ್ಯಕ್ರಮದ ಮೊದಲು ಕ್ರೀಡಾಕೂಟ ಆಯೋಜಿಸಿ ಸಂಘಟನೆಯನ್ನು ಗಟ್ಟಿ ಗೊಳಿಸುವ ನಿಲುವು ಗಮನಾರ್ಹ ಎಂದರು. ಅಲ್ಲದೆ ಮುಂದೂ ಕೂಡ ಬಾಳೆಬೆಟ್ಟು ಸ್ಪರ್ಶ ಟೀಮ್ ಒಂದು ಮಾದರಿ ಸಂಘಟನೆಯಾಗಿ ಬೆಳೆಯಲಿ ಎಂದು ಹಾರೈಸಿದರು.
ಕಾರ್ಯಕ್ರಮದ ಸಭಾಧ್ಯಕ್ಷತೆ ರತ್ನಾಕರ ಪೂಜಾರಿ ವಹಿಸಿದ್ದರು.
ಟೀಮ್ ಸ್ಪರ್ಶದ ಸದಸ್ಯರು ಮತ್ತು ಬಾಳೆಬೆಟ್ಟು ಗ್ರಾಮಸ್ಥರು ವಿವಿಧ ಗ್ರಾಮೀಣ ಕ್ರೀಡೆಯಲ್ಲಿ ಸಕ್ರೀಯವಾಗಿ ಪಾಲ್ಗೊಂಡು ಬಹುಮಾನ ಪಡೆದರು.
ವೇದಿಕೆಯಲ್ಲಿ ಕೋಟ ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ಪಾಂಡು ಪೂಜಾರಿ ಹಾಡಿಕೆರೆ, ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗಳಾದ ಹರೀಶ್ ಕುಮಾರ್ ಶೆಟ್ಟಿ, ಬ್ರಹ್ಮಾವರ ತಾಲೂಕು ಸಾಹಿತ್ಯ ಪರಿಷತ್ ಅಧ್ಯಕ್ಷ ಜಿ.ರಾಮಚಂದ್ರ ಐತಾಳ್, ನಿವೃತ್ತ ಕ್ರೀಡಾ ಪರಿವೀಕ್ಷಣಾ ಅಧಿಕಾರಿಗಳಾದ ಗೋಪಾಲ ಶೆಟ್ಟಿ, ಗ್ರಾಮ ಪಂಚಾಯತ್ ವಾರ್ಡ್ ಸದಸ್ಯರಾದ ಶಿವರಾಮ ಶೆಟ್ಟಿ , ಶ್ರೀಮತಿ ಶಾಂತ, ಗುಲಾಬಿ ಪೂಜಾರಿ ಉಪಸ್ಥಿತರಿದ್ದರು,
ಪ್ರಸಾದ್ ಬಿಲ್ಲವ ಸ್ವಾಗತಿಸಿ, ಪ್ರಸ್ತಾವನೆ ಗೈದರು ,ಅವಿನಾಶ್ ಶೆಟ್ಟಿ ಧನ್ಯವಾದ ಸಮರ್ಪಿಸಿದರು.