ಡೈಲಿ ವಾರ್ತೆ: 19/Jan/2024
ಕೋಟ: ಶಿರಿಯಾರ ಮೆಸ್ಕಾಂ ವ್ಯಾಪ್ತಿಯಲ್ಲಿ ವಿದ್ಯುತ್ ಶಾಕ್ – ಪವರ್ ಮ್ಯಾನ್ ಗಂಭೀರ ಗಾಯ
ಕೋಟ: ಇಲ್ಲಿಗೆ ಸಮೀಪದ ಮಧುವನ ಶಾಂತಿ ನಗರ ರಸ್ತೆಯಲ್ಲಿ ವಿದ್ಯುತ್ ಪರಿವರ್ತಕ(ಟ್ರಾನ್ಸ್ ಫಾರ್ಮರ್ )ವನ್ನು ಸರಿ ಪಡಿಸುವ ಕಾರ್ಯದಲ್ಲಿ ನಿರತನಾಗಿದ್ದ ಪವರ್ ಮ್ಯಾನ್ ಓರ್ವರು ಹಠಾತ್ತನೆ ಪ್ರವಹಿಸಿದ ವಿದ್ಯುತ್ ಶಾಕ್ ಗೆ ಒಳಗಾಗಿ ತೀವ್ರ ಗಾಯಗೊಂಡಿದ್ದಾರೆ.
ಟ್ರಾನ್ಸ್ ಫಾರ್ಮರನ್ನು ರಿಪೇರಿ ಮಾಡುವ ಉದ್ದೇಶದಿಂದ ವಿದ್ಯುತ್ ಸಂಪರ್ಕವನ್ನು ಬಂದ್ ಮಾಡಿ , ಸರಿಪಡಿಸಿ ಪುನಃ ವಿದ್ಯುತ್ ಸಂಪರ್ಕ ಕಲ್ಪಿಸಲು ಚಾರ್ಜ್ ಮಾಡುವ ವೇಳೆ ಜಿ ಒ ಎಸ್ ಗೆ ಅಳವಡಿಸಲಾದ ಜೆಂಪ್ ಕಂಬಕ್ಕೆ ತಗುಲಿದ ಸಂದರ್ಭ ಹಠಾತ್ತನೆ ವಿದ್ಯುತ್ ಸಂಪರ್ಕ ಆರಂಭಗೊಂಡಿತ್ತು. ಪರಿಣಾಮವಾಗಿ, ಕರ್ತವ್ಯದಲ್ಲಿದ್ದ ಶಿರಿಯಾರ ಶಾಖೆಯ ಮೇ ದರ್ಜೆ – 1ಪವರ್ ಮ್ಯಾನ್ ಮಂಜುನಾಥ ವಿದ್ಯುತ್ ಆಘಾತಾಕ್ಕೊಳಗಾಗಿ ಗಂಭೀರ ಗಾಯಗೊಂಡರು. ತಕ್ಷಣ ಅವರನ್ನು ಮಣಿಪಾಲ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಚಿಕಿತ್ಸೆಗೆ ಸ್ಪಂದಿಸುತ್ತಿರುವ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.
ಕೆಲಸ ಮಾಡುವಾಗ ಸುರಕ್ಷತಾ ಕ್ರಮವನ್ನು ಅನುಸರಿಸಿದ್ದರೂ ನೆಲಕ್ಕೆ ಅಪ್ಪಳಿಸಿದ 11ಕೆವಿ ವಿದ್ಯುತ್ ಸಂಪರ್ಕವೇ ಈ ಅನಾಹುತಕ್ಕೆ ಕಾರಣವಾಯಿತು ಎನ್ನಲಾಗಿದೆ.