ಡೈಲಿ ವಾರ್ತೆ: 14/ಮೇ /2024
ಮೂಲರಪಟ್ಣ ; ಜಿ.ಎಚ್.ಎಮ್ ಫೌಂಡೇಶನ್ ವತಿಯಿಂದ ಹಜ್ ಯಾತ್ರಿಗಳಿಗೆ ಸನ್ಮಾನ ಕಾರ್ಯಕ್ರಮ
ಬಂಟ್ವಾಳ : ಮೂಲರಪಟ್ಣ ಜಿ.ಎಚ್.ಎಮ್ ಫೌಂಡೇಶನ್ ವತಿಯಿಂದ ಹಜ್ ಯಾತ್ರಿಗಳಿಗೆ ಸನ್ಮಾನ ಕಾರ್ಯಕ್ರಮ ಇತ್ತೀಚೆಗೆ ಸಂಸ್ಥೆಯ ಕಛೇರಿಯಲ್ಲಿ ನಡೆಯಿತು.
ಜಿ.ಎಚ್.ಎಮ್ ಫೌಂಡೇಶನ್ ಅಧ್ಯಕ್ಷ ಮೊಹಮ್ಮದ್ ಶಾಲಿ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಮೇ 15 ರಂದು ಪವಿತ್ರ ಹಜ್ ಯಾತ್ರೆಗೆ ಹೊರಡಲಿರುವ ಮೂಲರಪಟ್ಣ ಕೇಂದ್ರ ಜುಮಾ ಮಸೀದಿಯ ಅಧ್ಯಕ್ಷ, ಜಿ.ಎಚ್.ಎಮ್ ಫೌಂಡೇಶನ್ ಇದರ ಗೌರವ ಸಲಹೆಗಾರ ಎಮ್. ಬಿ. ಅಶ್ರಫ್ ಅವರನ್ನು ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ಫೌಂಡೇಶನ್ ಉಪಾಧ್ಯಕ್ಷ ಅಶ್ರಫ್ ವಾರಟೀಲು, ಗಲ್ಪ್ ಟೀಮ್ ಪ್ರಮುಖರಾದ ಅಝೀಝ್ ಬೆಳ್ಳೂರು , ಸಲಹೆಗಾರರಾದ ಜಕರಿಯಾ ಫರ್ವೀಝ್ ಹಾಗೂ ಎಕ್ಸಿಕ್ಯೂಟಿವ್ ಹೆಡ್ ಹಂಝ ಗುತ್ತು ಉಪಸ್ಥಿತರಿದ್ದರು.
ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಸಜೀವುದ್ದೀನ್ ಎಮ್.ಎಸ್ ಸ್ವಾಗತಿಸಿ, ವಂದಿಸಿದರು.