ಡೈಲಿ ವಾರ್ತೆ: 08/ಫೆ. /2025
`ನವಗ್ರಹ’ ಚಿತ್ರದಲ್ಲಿ ನಟಿಸಿದ್ದ ಗಿರಿ ದಿನೇಶ್ ನಿಧನ
ನವಗ್ರಹ ಚಿತ್ರದಲ್ಲಿ ದರ್ಶನ್ ಜೊತೆ ಅಭಿನಯಿಸಿದ್ದ ನಟ ಗಿರಿ ದಿನೇಶ್(45) ಇವರು ಫೆ.7 ರಂದು ನಿಧನರಾಗಿದ್ದಾರೆ.
ಗಿರಿ ದಿವಂಗತ ನಟ ದಿನೇಶ್ ಅವರ ಪುತ್ರ. ನವಗ್ರಹ ಚಿತ್ರದಲ್ಲಿ 9 ಖಳನಟರಲ್ಲಿ ಗಿರಿ ಕೂಡ ಒಬ್ಬರು. ಚಮ್ಕಾಯ್ಸು ಚಿಂದಿ ಉಡಾಯ್ಸು ಚಿತ್ರದಲ್ಲೂ ಅವರು ನಟಿಸಿದ್ದರು. ಅವರಿಗೆ ಹೆಚ್ಚಿನ ಸಿನಿಮಾ ಅವಕಾಶ ಸಿಕ್ಕಿರಲಿಲ್ಲ.
ನವಗ್ರಹ ರೀರಿಲೀಸ್ ವೇಳೆ ಸಂಪರ್ಕ ಮಾಡಿದ್ದಾಗಲೂ ಕ್ಯಾಮೆರಾದಿಂದ ದೂರ ಉಳಿಯುವ ನಿರ್ಧಾರ ಮಾಡಿದ್ದಾಗಿ ಹೇಳಿಕೊಂಡಿದ್ದರಂತೆ.
ಸಂಜೆ ಮನೆಯಲ್ಲೇ ಅಸ್ವಸ್ಥರಾಗಿ ಕುಸಿದುಬಿದ್ದಿದ್ದರು. ಬಳಿಕ ಆಸ್ಪತ್ರೆಗೆ ದಾಖಲಿಸಿದಾಗ ನಿಧನರಾಗಿದ್ದಾರೆ. ಅವರಿಗೆ ಮದುವೆಯಾಗಿರಲಿಲ್ಲ. ಅಣ್ಣನಮನೆಯಲ್ಲಿ ವಾಸವಿದ್ದರು ಎಂದು ತಿಳಿದುಬಂದಿದೆ.