ಡೈಲಿ ವಾರ್ತೆ:27 ಆಗಸ್ಟ್ 2023
ವರದಿ: ವಿದ್ಯಾಧರ ಮೊರಬಾ
ಅಂಕೋಲಾ: ಮನೆಗೆ ನುಗ್ಗಿ ಚಿನ್ನ, ಬೆಳ್ಳಿ, ನಗದು ಕಳ್ಳತನ – ದೂರು ದಾಖಲು!
ಅಂಕೋಲಾ: ಮನೆಯಲ್ಲಿ ಯಾರೂ ಇಲ್ಲದ ಸಮಯ ನೋಡಿ , ಬಾಗಿಲು ಮುರಿದು ಒಳ ನುಗ್ಗಿದ ಕಳ್ಳರು ನಗದು ಹಣ, ಬಂಗಾರದ ಕಿವಿಯೋಲೆ ಮತ್ತು ಬೆಳ್ಳಿಯ ದೀಪಗಳು ಮತ್ತು ಲೋಟಗಳನ್ನು ಕದ್ದು ಪರಾರಿಯಾದ ಘಟನೆ ತಾಲೂಕಿನ ಬಾಸಗೋಡ – ಕೋಗ್ರೆಯಲ್ಲಿ ನಡೆದಿದೆ.
ಈ ಕುರಿತು ಕೋಗ್ರೆ ನಿವಾಸಿ ನಿವೃತ್ತ ಶಿಕ್ಷಕಿಯಾಗಿರುವ ಶಾಂತಿ ಕೃಷ್ಣ ನಾಯಕ ಇವರು ಪೋಲೀಸ್ ದೂರು ನೀಡಿದ್ದು, 26-08 – 2023ರಂದು ಮಧ್ಯಾಹ್ನ 3 ಘಂಟೆಯಿಂದ 27-03 – 2023 ರಂದು ಬೆಳಿಗ್ಗೆ 8.30 ರ ಅವಧಿಯೊಳಗೆ ತಾನು ಮನೆಯಲ್ಲಿಲ್ಲದ ವೇಳೆ, ಯಾರೋ ಕಳ್ಳರು ತನ್ನ ಮನೆಯ ಬಾಗಿಲ ಮತ್ತು ಕಪಾಟಿನ ಬೀಗ ಮುರಿದು ಅದರಲ್ಲಿದ್ದ ರೂ ಐವತ್ತೈದು ಸಾವಿರ ರೂ ನಗದು (RS 55,000) , 15 ಸಾವಿರ ರೂ ಮೌಲ್ಯದ 1 ಬಂಗಾರದ ಕಿವಿಯೋಲೆ, 2 ಸಾವಿರ ರೂ ಮೌಲ್ಯದ 4 ಬೆಳ್ಳಿಯ ದೀಪದ ಸಮಯಗಳು (2 ದೊಡ್ಡ, 2 ಸಣ್ಣ ) , ರೂ 1 ಸಾವಿರ ಮೌಲ್ಯದ 2 ಬೆಳ್ಳಿಲೋಟಗಳು, ಮತ್ತು ಬ್ಯಾಂಕ್ ಹಾಗೂ ಪೋಸ್ಟ್ ಆಫೀಸ್ ದಾಖಲಾತಿಗಳನ್ನು ಕಳುವು ಮಾಡಿಕೊಂಡು ಹೋಗಿದ್ದಾರೆ ಎಂದು ತಿಳಿಸಿದ್ದಾರೆ.
ಅಂಕೋಲಾದ ನೂತನ ಪಿಎಸ್ಐ ಸುಹಾಸ ಆರ್ (ತನಿಖೆ – 2 ) ಪ್ರಕರಣ ದಾಖಲಿಸಿಕೊಂಡು ತನಿಖೆ ಚುರುಕುಗೊಳಿಸಿದ್ದಾರೆ.