ಡೈಲಿ ವಾರ್ತೆ: 25/Sep/2023
ಸಾಲಿಗ್ರಾಮ ಸೇವಾ ಸಂಗಮ ಶ್ರೀ ಗುರು ಶಿಶು ಮಂದಿರ ಇವರಿಂದ ಶ್ರೀ ಕೃಷ್ಣಾಷ್ಟಮಿ ಜನ್ಮಾಷ್ಟಮಿ ಕಾರ್ಯಕ್ರಮ
ಸಾಲಿಗ್ರಾಮ:ಸೇವಾ ಸಂಗಮ ಶ್ರೀ ಗುರು ಶಿಶು ಮಂದಿರ ಸಾಲಿಗ್ರಾಮ ಇವರಿಂದ ಶ್ರೀ ಕೃಷ್ಣಾಷ್ಟಮಿ ಜನ್ಮಾಷ್ಟಮಿ ಕಾರ್ಯಕ್ರಮದ ಅಂಗವಾಗಿ ಏರ್ಪಡಿಸಿದ ಕಾರ್ಯಕ್ರಮವು ಚಿತ್ರಪಾಡಿಸ. ಹಿ. ಪ್ರಾಥಮಿಕ ಶಾಲಾ ಸಭಾಂಗಣದಲ್ಲಿ ಜರಗಿತು.
ಸಮಾರಂಭದ ಅಧ್ಯಕ್ಷತೆಯನ್ನು ವಿಜಯಾ ಬ್ಯಾಂಕಿನ ನಿವೃತ್ತ ಅಧಿಕಾರಿ ಕೆ. ಪಂಜು ಪೂಜಾರಿ ವಹಿಸಿದ್ದರು.
ಮುಖ್ಯ ಅತಿಥಿಯಾಗಿ ಕಾರ್ಕಡ ಗೆಳೆಯರ ಬಳಗದ ಅಧ್ಯಕ್ಷ ಶ್ರೀ ಕೆ. ತಾರಾನಾಥ ಹೊಳ್ಳ ವಹಿಸಿದ್ದರು. ನಮ್ಮ ಆಚಾರ , ವಿಚಾರ, ಸಂಸ್ಕೃತಿ. ಹಾಗೂ ಸಂಸ್ಕಾರ ರದ ಸಮಗ್ರ ಚಿಂತನೆ ಈ ಪುಟಾಣಿ ಮಕ್ಕಳಿಂದ ಆಗಬೇಕು. ಈ ನಿಟ್ಟಿನಲ್ಲಿ ಈ ಕಾರ್ಯಕ್ರಮ ಬಹಳ ಮಹತ್ವದಾಗಿದೆ ಅಂದರು.
ಈ ಸಂದರ್ಭದಲ್ಲಿ ಅತಿಥಿಗಳಾಗಿ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನದ ಪದವಿ ಪೂರ್ವ ಕಾಲೇಜಿನ ಉಪನ್ಯಾಸಕ ಕೆ. ಶೇಖರ ಹಾಗೂ ಸೇವಾ ಸಂಗಮ ಟ್ರಸ್ಟ್ ನ ವಿಶಸ್ಥ ಮಂಡಳಿ ಯ ಕುಂದಾಪುರದ ಶ್ರೀಮತಿ ಚಂದ್ರಿಕಾಧನ್ಯ ಉಪಸ್ಥಿತರಿದ್ದರು.
ಇದೇ ಸಂಸ್ಥೆಯಲ್ಲಿ ಈ ಹಿಂದೆ ಕಲಿತ ವಿದ್ಯಾರ್ಥಿಗಳಾದ ಶ್ರೀ ಭುವನ್. ಕೆ ಹಾಗೂ ಶ್ರೀ ಅಭಿಜ್ಞ ಇವರುಗಳಿಗೆ ,ಇವರು ಗಳಿಸಿದ SSLC ಪರೀಕ್ಷೆಯಲ್ಲಿ ವಿಶಿಷ್ಟ ಶ್ರೇಣಿಯಲ್ಲಿ ಪಡೆದುದಕ್ಕಾಗಿ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು. ಕಾರ್ಯದರ್ಶಿ ಶ್ರೀ ಬಿ. ಮಾಧವ ಪೈ ಸ್ವಾಗತಿಸಿ ನಂತರ ಕೆ. ಶೀನ ಧನ್ಯವಾದವಿತ್ತರು. ನಂತರ ಪುಟ್ಟ ಮಕ್ಕಳಿಂದ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮ ಜನ ಮನ ರಂಜಿಸಿತು.