ಮೆಡಿಕಲ್ ಸ್ಟೋರ್ ಬಾಗಿಲು ಒಡೆದು ಕಳ್ಳತನ – ಸಿಸಿ ಕ್ಯಾಮರಾದಲ್ಲಿ ಸೆರೆ!

ಡೈಲಿ ವಾರ್ತೆ: 19/OCT/2023

ಮೆಡಿಕಲ್ ಸ್ಟೋರ್ ಬಾಗಿಲು ಒಡೆದು ಕಳ್ಳತನ – ಸಿಸಿ ಕ್ಯಾಮರಾದಲ್ಲಿ ಸೆರೆ!

ರಾಮನಗರ: ಮೆಡಿಕಲ್‌ ಸ್ಟೋರ್ ಬಾಗಿಲು ಒಡೆದ ಕಳ್ಳರ ಗುಂಪು ನಗದು ಮತ್ತು ವಸ್ತುಗಳನ್ನು ದೋಚಿರುವ ಘಟನೆ ಚನ್ನಪಟ್ಟಣದಲ್ಲಿ ನಡೆದಿದೆ.

ಚನ್ನಪಟ್ಟಣದ ನ್ಯಾಯಾಲಯದ ಮುಂಭಾಗವಿರುವ ಭಾಸ್ಕರ್ ಮೆಡಿಕಲ್ಸ್ ನಲ್ಲಿ ಬುಧವಾರ ಮುಂಜಾನೆ ಮೂರು ಗಂಟೆಯ ಸುಮಾರಿನಲ್ಲಿ ಕಳ್ಳತನವಾಗಿದೆ.

ಎರಡು ಬೈಕ್ ನಲ್ಲಿ ನಾಲ್ಕು ಮಂದಿ ಕಳ್ಳರು ಬಂದು ಮೆಡಿಕಲ್ಸ್ ನ ಬಾಗಿಲು ಮುರಿದು ಕಳವು ಮಾಡಲಾಗಿದೆ. ಕಳ್ಳರ ಕೃತ್ಯವು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಚನ್ನಪಟ್ಟಣ ಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.