ಡೈಲಿ ವಾರ್ತೆ:25 ಆಗಸ್ಟ್ 2023
ಆ. 27ರಂದು ಮಿತ್ರದಳ ಚಾರಿಟೇಬಲ್ ಟ್ರಸ್ಟ್ – ಶ್ರೀ ಕೃಷ್ಣ ಜನ್ಮಾಷ್ಟಮಿ ಸ್ಪರ್ಧೆಗಳು
ಕುಂದಾಪುರ : ಮಿತ್ರದಳ ಕೋಟೇಶ್ವರ ಚಾರಿಟೇಬಲ್ ಟ್ರಸ್ಟ್ ನ ಮಿತ್ರದಳ ಕೋಟೇಶ್ವರ ಇವರ ಆಶ್ರಯದಲ್ಲಿ ಶ್ರೀ ಕೃಷ್ಣ ಜನ್ಮಾಷ್ಟಮಿಯ ಪ್ರಯುಕ್ತ ಉಡುಪಿ ಜಿಲ್ಲಾ ಮಟ್ಟದಲ್ಲಿ ಆ. 27ರ ಭಾನುವಾರ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿದೆ.
ವಿಭಾಗ 1ರಲ್ಲಿ ಒಂದು ವರ್ಷದಿಂದ ಮೂರು ವರ್ಷದ ವರೆಗಿನ ಪುಟಾಣಿಗಳಿಗೆ ಸಾಮೂಹಿಕ ವಿಶೇಷ ಮುದ್ದು ಕೃಷ್ಣ ಸ್ಪರ್ಧೆ,
ವಿಭಾಗ 2 ರಲ್ಲಿ ಮೂರರಿಂದ ಆರು ವರ್ಷಗಳ ವರೆಗಿನ ವಯೋಮಾನದ ಮಕ್ಕಳಿಗೆ ಮುದ್ದು ಕೃಷ್ಣ ಸ್ಪರ್ಧೆ ಏರ್ಪಡಿಸಲಾಗಿದೆ.
ಆರರಿಂದ ಹತ್ತು ವರ್ಷದ ವರೆಗಿನ ಪ್ರಾಯದ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ಶ್ರೀ ಕೃಷ್ಣನ ಕೀರ್ತನೆ ಹಾಡುವ ಸ್ಪರ್ಧೆ, 10 ರಿಂದ ಮೇಲ್ಪಟ್ಟು 15 ವರ್ಷದವರೆಗಿನ ವಯಸ್ಸಿನ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ಭಗವದ್ಗೀತೆಯ ಯಾವುದೇ ಅಧ್ಯಾಯದ ಹತ್ತು ಶ್ಲೋಕಗಳ ಕಂಠಪಾಠ ಸ್ಪರ್ಧೆ ಇದೆ.
ಪುರುಷರಿಗಾಗಿ ಮಡಿಕೆ ಒಡೆಯುವುದು ಮತ್ತು ಗುಳಿಗೆ ಗೋಲಿ ಹಾಕುವ ಸ್ಪರ್ಧೆಗಳು, ಮಹಿಳೆಯರಿಗೆ ಮಡಿಕೆ ಒಡೆಯುವುದು ಮತ್ತು ಶಂಖ ಊದುವ ಸ್ಪರ್ಧೆಗಳನ್ನು ನಡೆಸಲಾಗುವುದು. ಎಲ್ಲಾ ವಿಭಾಗಗಳಿಗೂ ಸೇರಿ ಶ್ರೀ ಕೃಷ್ಣನ ಬಗ್ಗೆ 25 ಪ್ರಶ್ನೆಗಳ ರಸಪ್ರಶ್ನೆ ಸ್ಪರ್ಧೆ ಇದೆ.
ಎಲ್ಲಾ ಸ್ಪರ್ಧೆಗಳಿಗೂ ಉಚಿತ ಪ್ರವೇಶವಿದ್ದು, ಕೋಟೇಶ್ವರ ರಥಬೀದಿಯ ಶ್ರೀ ಕೋದಂಡ ರಾಮ ಮಂದಿರದಲ್ಲಿ ಮಧ್ಯಾನ್ಹ 2 ಗಂಟೆಯಿಂದ ಸ್ಪರ್ಧೆಗಳು ಆರಂಭಗೊಳ್ಳುವುವು. ಅದೇ ದಿನ ಸಂಜೆ 5. 30ಕ್ಕೆ ವಿಜೇತರಿಗೆ ಬಹುಮಾನಗಳನ್ನು ವಿತರಿಸಲಾಗುವುದು ಎಂದು ಟ್ರಸ್ಟ್ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಮಾಹಿತಿಗಾಗಿ ದೂರವಾಣಿ 9901268025, 9964026315, 9449634177 ಸಂಪರ್ಕಿಸಬಹುದು.