ಡೈಲಿ ವಾರ್ತೆ: 22/DEC/2023
ಕೊಡಾಜೆ : ಭಾರತ್ ಕನ್ ಸ್ಟ್ರಕ್ಷನ್ ಸಂಸ್ಥೆಯ ನೂತನ ಕಛೇರಿ ಶುಭಾರಂಭ.
ಬಂಟ್ವಾಳ : ಭಾರತ್ ಕನ್ ಸ್ಟ್ರಕ್ಷನ್ ಸಂಸ್ಥೆಯ ನೂತನ ಕಛೇರಿಯು ಕೊಡಾಜೆಯ ಎ.ಆರ್. ಕಾಂಪ್ಲೆಕ್ಸ್ ನಲ್ಲಿ ಶುಕ್ರವಾರ ಶುಭಾರಂಭಗೊಂಡಿತು.
ಸಯ್ಯಿದ್ ಇಬ್ರಾಹಿಂ ಅಲ್ ಹಾದಿ ಹಂಝ ತಂಙಳ್ ಪಾಟ್ರಕೋಡಿ ನೂತನ ಕಛೇರಿಯನ್ನು ಉದ್ಘಾಟಿಸಿ, ಶುಭ ಹಾರೈಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕೊಡಾಜೆ ಬದ್ರಿಯಾ ಜುಮಾ ಮಸೀದಿ ಖತೀಬ್ ಅಬ್ದುಲ್ ಅಝೀಝ್ ದಾರಿಮಿ ಪೊನ್ಮಳ ಮಾತನಾಡಿ ಕರ್ತವ್ಯ ನಿಷ್ಠೆ ಹಾಗೂ ಉತ್ತಮ ಕಾರ್ಮಿಕರನ್ನೊಳಗೊಂಡು ಕಟ್ಟಡ ನಿರ್ಮಾಣ ಕಾರ್ಯದಲ್ಲಿ ಹೆಸರುವಾಸಿಯಾಗಿರುವ ಭಾರತ್ ಕನ್ ಸ್ಟ್ರಕ್ಷನ್ ಸಂಸ್ಥೆಯು ಇನ್ನಷ್ಟು ಪ್ರಗತಿ ಹೊಂದಲಿ ಎಂದರು.
ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಸಮಸ್ತ ಕೇರಳ ಮದರಸ ಮೇನೇಜ್ ಮೆಂಟ್ ಎಸೋಸಿಯೇಶನ್ ದ.ಕ.ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎಸ್.ಎಂ.ರಫೀಕ್ ಹಾಜಿ ನೇರಳಕಟ್ಟೆ ಮಾತನಾಡಿ ಭಾರತ್ ಕನ್ ಸ್ಟ್ರಕ್ಷನ್ ಸಂಸ್ಥೆಯು ಮಾಲಕ ಫಾರೂಕ್ ಗೋಳಿಕಟ್ಟೆ ಅವರ ತಂದೆ ದಿವಂಗತ ಇಬ್ರಾಹಿಂ ಅವರು ನಿರ್ಮಿಸಿರುವ ಅದೆಷ್ಟೋ ಮನೆ, ಕಟ್ಟಡಗಳ ಬಗ್ಗೆ ನೆನಪಿಸಿಕೊಂಡರು. ಅವರು ಹಾಕಿಕೊಟ್ಟ ಬುನಾದಿಯನ್ನು ಯಶಸ್ವಿ ಯಾಗಿ ಮುಂದುವರಿಸಿಕೊಂಡು ಹೋಗುತ್ತಿರುವ ಫಾರೂಕ್ ಗೋಳಿಕಟ್ಟೆ ಅವರ ಕಾರ್ಯವೈಖರಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಉದ್ಯಮಿಗಳಾದ ಫಾರೂಕ್ ಹಾಜಿ ಸುಲ್ತಾನ್, ಯೂಸುಫ್ ಹಾಜಿ ನೌಫಲ್, ಅದ್ದ ಹಾಜಿ ಅಫ್ಘಾನ್, ಅಹಮದ್ ಹಾಜಿ ಯುನೈನ್, ಹರೀಶ್ ಶೆಟ್ಟಿ ಮಾಣಿ, ಅಶೋಕ್ ಕೊಂಡೆ, ಅತಾವುಲ್ಲಾ ನೇರಳಕಟ್ಟೆ, ಅರವಿಂದ ಕೊಂಡೆ, ಕಿರಣ್ ಪೂಜಾರಿ ಗೋಳಿಕಟ್ಟೆ, ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸುದೀಪ್ ಕುಮಾರ್ ಶೆಟ್ಟಿ, ಕೊಡಾಜೆ ಎಜ್ಯುಕೇಶನ್ ಟ್ರಸ್ಟ್ ಅಧ್ಯಕ್ಷ ರಫೀಕ್ ಹಾಜಿ ಸುಲ್ತಾನ್, ಕೊಡಾಜೆ ಬದ್ರಿಯಾ ಜುಮಾ ಮಸೀದಿ ಅಧ್ಯಕ್ಷ ಇಬ್ರಾಹಿಂ ರಾಜ್ ಕಮಲ್, ಸೋಷಿಯಲ್ ಇಖ್ವಾ ಫೆಡರೇಶನ್ ಅದ್ಯಕ್ಷ ಅಬ್ದುಲ್ ರಹಿಮಾನ್ ಸುಲ್ತಾನ್, ಜಮೀಯ್ಯತುಲ್ ಫಲಾಹ್ ಬಂಟ್ವಾಳ ತಾಲೂಕು ಉಪಾಧ್ಯಕ್ಷ ಲತೀಫ್ ನೇರಳಕಟ್ಟೆ ಅತಿಥಿಗಳಾಗಿ ಭಾಗವಹಿಸಿದ್ದರು.
ಇದೇ ವೇಳೆ ಸಂಸ್ಥೆಯ ಉದ್ಯೋಗಿಗಳಿಗೆ ಸಮವಸ್ತ್ರ ವಿತರಿಸಲಾಯಿತು. ಗೌರಿ ಅರ್ಥ್ ಮೂವರ್ಸ್ ಮಾಲಕ ಜಗನ್ನಾಥ ಅವರು ತನ್ನ ಮನೆಯ ಎರಡನೇ ಅಂತಸ್ತಿನ ನಿರ್ಮಾಣ ಕಾಮಗಾರಿಯ ಗುತ್ತಿಗೆಯನ್ನು ಭಾರತ್ ಕನ್ ಸ್ಟ್ರಕ್ಷನ್ ಮಾಲಕ ಫಾರೂಕ್ ಗೋಳಿಕಟ್ಟೆ ಅವರಿಗೆ ವಹಿಸಿಕೊಟ್ಟರು.
ಸಂಸ್ಥೆಯ ಮಾಲೀಕ ಫಾರೂಕ್ ಗೋಳಿಕಟ್ಟೆ ಸ್ವಾಗತಿಸಿ, ಮೆನೇಜರ್ ಹನೀಫ್ ಮಿತ್ತೂರು ವಂದಿಸಿದರು.
ಇಂಜಿನಿಯರ್ ನವಾಝ್ ನೇರಳಕಟ್ಟೆ ಹಾಗೂ ಆದರ್ಶ್ ಆಚಾರ್ಯ ಪುತ್ತೂರು ಕಾರ್ಯಕ್ರಮ ನಿರ್ವಹಿಸಿದರು.